Таткото на Халанд за инцидентот во ложата: Моравме да заминеме за да не настанат дополнителни проблеми
Реал Мадрид и Манчестер Сити одиграа 1:1 во вчерашниот прв натпревар од полуфиналето во Лигата на шампионите, меѓутоа освен ситуациите на теренот по натпреварот се зборуваше и за таткото на Ерлинг Халанд.
Алф-Инге Халанд натпреварот го следеше од ложата на „Бернабеу“, но во еден момент влезе во расправија со навивачите на Реал Мадрид. Шпанските медиуми објавија дека таткото на фудбалерот, но и останатите кои го придружувале правеле проблеми во алкхолизирана состојба, ситуацијата беше решена така што тој и пријателите беа отстранети од ложата.
Денес тој се огласи и објасни што се случувало и според неговата изјава се започнало затоа што го прославил голот на Де Брујн за изедначување.
„Навивачите на Реал Мадрид не беа среќни затоа што Манчестер Сити израмни и ние го славевме голот. Моравме да заминеме од местото за да не настанат дополнителни проблеми“, изјавил таткото на Халанд.
Alfie Haaland was escorted out of a corporate box at the Bernabéu last night after ‘insulting’ and ‘throwing peanuts’ at Real Madrid fans. 🤣🥜
🎥 @inakiangulopic.twitter.com/ULA6oAEjdC
— Football Tweet ⚽ (@Football__Tweet) May 10, 2023