Татко и ќерка од Косово обвинети за луксузните бунгалови-дивоградби во Леуново
Гостиварското Основно јавно обвинителство поднесе обвинение против две физички и едно правно лице од Косово за кривично дело Бесправно градење во Маврово.
По случајот, кој прерасна во скандал за кој опширно пишуваше „Слободен печат“, обвинетите Косовари, татко и ќерка, како и правното лице во кое управител била ќерката, во периодот од 10 јули до 20 септември минатата година, без одобрение за градба издадено од надлежен орган, започнале да градат осум бунгалови во селото Леуново, општина Маврово и Ростуше.
Објектите од цврста градба, на околу 200-300 метри од езерото, биле евидентирани при извршена контрола од градежен инспектор, при што инвеститорите добиле наредба да запрат со градежните активности.
И покрај ова, тие продолжиле да ги градат објектите спротивно на закон.