Поранешниот градоначалник на Битола, Владимир Талески, почна со одлежувањето на затворската казна во затворот во Прилеп. Талески од вчера е спроведен Во КПД во Прилеп, потврди за МИА директорот на прилепскиот затвор Александар Дамески.

-Осуденикот е спроведен во затворот и почна со издржувањето на казната. Го очекуваме комплетирањето на целосната документација. Во затворската казна се пресметува и времето поминато во куќен притвор, рече Дамески.

Талески е осуден на осум години затвор во случајот „Транспортер“, а казната му е изречена поради злоупотреба на службената положба во врска со организирањето превоз на учениците во Битола.