Познатиот светски голфер доживеа сообраќајна несреќа во која се здоби со тешки повреди на зглобот и потколеницата на десната нога, а според локалниот шериф тој се спасил и од законските последици.

Откако неговата здравствена состојба се стабилизираше, извршени се токсиколошки тестови кои не откриле алкохол или недозволени супстанции, за разлика од 2017 година, кога бил фатен во автомобил под дејство на сите можни супстанции.

– Тој не беше под дејство на алкохол или дрога, можеме да го исклучиме тоа. Ова беше едноставно сообраќајна несреќа – рече шерифот во округот Лос Анџелес, Алекс Виланева.

Според „Франс Прес“, Виланева вели дека Вудс може да биде казнет за прекршок од ниско ниво, доколку истражителите заклучат дека возел премногу брзо или не обрнувал внимание.

Вудс бил извлечен од возилото дури откако било исечено со хидрауличен алат, тој се здобил со сериозни повреди на десната нога и беше опериран.

ФОТО: Вудс е надвор од животна опасност, познато што кажал по несреќата