Косовскиот претседател Хашим Тачи за РТВ Дукаѓини изјави дека неговата најмала загриженост е како ќе ја заврши својата политичка кариера, пренесува „Експреси“.

– Во партија нема да се вратам. Ниту во Демократската партија ниту во која било друга партија. Нема да се вратам ниту во Собрание како пратеник. Не претендирам повторно да се кандидирам за премиер или пак да бидам мандатат на косовската Влада. Доколку се случуваат уставни промени и за идниот мандат на претседателот се одлучува со директно гласање на граѓаните, ќе се кандидирам и убеден сум дека ќе победам. Но, ако остане истиот систем, нема да си дозволам себеси поради принципите и етиката да бидам дел од какви било пресметки или реизбор на политички кругови на Приштина. Значи, ако претседателските избори се одржат со директно гласање од народот, ќе се кандидирам и ќе бидам избран, ако не се случи тоа, ќе се збогувам со политиката засекогаш – рекол претседателот на Косово.