Светската здравствена организација како „одлична вест” го поздрави резултатот од првото клиничко испитување што покажува дека евтиниот и широко распространет стероид дексаметазон може да помогне да се спасат тешко болните пациенти од коронавирусот.

– Ова е прва терапија за која се покажа дека ја намалува смртноста кај пациенти со Ковид-19, кои се наоѓаат на кислород или вештачка вентилација, изјави доцна синоќа генералниот директор на СЗО, Тедрос Аданом Гебрејсус.

For #COVID19 patients on ventilators, the #dexamethasone treatment was shown to reduce mortality by about one third, and for patients requiring only oxygen, mortality was cut by about one fifth, according to preliminary findings shared with WHO.https://t.co/CmNea2XEKH

— World Health Organization (WHO) (@WHO) June 16, 2020

„Ова е одлична вест и честитки до владата на Велика Британија, Универзитетот Оксфорд и многуте болници и пациенти во Велика Британија, кои придонесоа за научниот продор што спасува животи”, рече Тедрос.

Истражувачите ги споделија првичните заклучоци за резултатот со Светската здравствена организација и „се радуваме на целосната анализа на податоците во наредните денови”, истакна шефот на СЗО во изјавата.

„СЗО ќе координира една мета-анализа за зголемување на општото разбирање на оваа интервенција. Ќе бидат ажурирани клиничките упатства на СЗО за да се покаже како и кога лекот треба да се користи за лекување на Ковид-19″, велат од здравствената организација.

Во истражувањето на тимот научници од Оксфорд на околу 2.000 пациенти во болница им добил даден лекот дексаметазон и нивните резултати биле споредени со околу 4.000 пациенти кои не го примале лекот.

#Dexamethasone is a steroid that has been used since the 1960s to reduce inflammation in a range of conditions, including inflammatory disorders and certain #cancers. It has been listed on the WHO Model List of Essential Medicines since 1977 in multiple formulations.

— World Health Organization (WHO) (@WHO) June 16, 2020

Пациентите на респиратори имале намален ризик од смрт од 40 на 28 проценти, додека пациентите со кислород имаат намален ризик од смрт од 25 на 20 проценти.

Лекарите, исто така, ќе ја истакнуваат и неговата цена, бидејќи третманот со овој лек за 10 дена чини околу пет фунти по пациент, или 35 за да се спаси живот, а притоа тој е достапен ширум светот.

Би-Би-Си: Лекот дексаметазон може да помогне да се спасат животите на заболените од Ковид-19