СЗО: Лукот не помага против коронавирусот

Светската здравствена организација (СЗО) тргна во борба против гласините, полувистините и дезинформациите во врска со коронавирусот.

Под мотото „Мит бастерс“ на веб-страницата на СЗО, меѓу другото, се укажува на тоа дека лукот не штити од инфекција со коронавирус. Исто така, се укажува и на тоа дека засега не постојат индикации дека домашните миленичиња, мачките и кучињата, се заразиле досега.

– Ние се бориме не само против епидемијата, туку и против инфодемијата. Лажните вести се шират побрзо и полесно од вирусите и се исто толку опасни – рече шефот на СЗО, Тедрос Аданом Гебрејесус.

За да се заштитат луѓето од новиот вирус, треба често да ги мијат рацете и  потоа добро да ги избришат хартиени крпи. Исто така, СЗО не советува УВ-зрачење против коронавирусот, бидејќи може да предизвика проблеми на кожата. Исто така, и прскањето на кожата со алкохол и хлор не помага ако вирусите веќе се во организмот.

Ни маслото од сусам не го убива коронавирусот, истакнува СЗО по повод таквите гласини.

Се наведува дека постојат голем број хемиски средства за дезинфекција, кои го убиваат вирусот 2019-nCoV, меѓу кои се дезинфекциските средства врз основа на хлор, избелувач, етанол, хлороформ, но не смеат да се ставаат на кожата. СЗО исто така посочува и дека не се заканува опасност од инфекција со отворање писма или пакети од Кина.

„Од претходните анализи, знаеме дека коронавирусот на предмети какви што се писма и пакети не може да преживее долго“, наведува здравствената организација. Покрај тоа, се укажува дека антибиотиците и вакцините против воспаление на белите дробови, како што се вакцините против пневмококи или хемофилус грип тип Б, не пружаат заштита од новиот вирус. Дури ни редовното плакнење на носот не штити од инфекција со коронавирусот, додава СЗО, посочувајќи на уште една од низата дезинформации.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот