Гостинските кошаркари на Феникс 2010 дојдоа до висок триумф во Кисела вода против составот на Ангели (99:60) во 12 коло од македонската „МТЕЛ“ Супер лига.

Релативно изедначено се играше само во првиот период во салата „Независна Македонија“, оној во кој домашната екипа му парираше на поквалитетниот ривал. Но со почетокот на втората четвртина, Феникс 2010 потврди дека е подобриот на овој меч. И веќе до полувремето, гостите се стекнаа со висока предност (50:29).

Тешко достижна за составот на Ангели во оние 20 минути кои останаа да се доиграат. А во нив, уште поголема доминација на гостинската екипа. Во третиот дел од играта Феникс 2010 испорача дури 31 поен, прими многу помалку – само 14 за потврда на одличната игра.

Младиот Грбовиќ запиша двоен ефект од 15 поени и 10 скока. По 14 поени имаа Златевски и Метјус, додека Рахама имаше 12, а Николовски уште 11.

Кај Ангели, двоен број на поени имаше единствено Рубин Стефанов, односно младиот бек постигна 13 поени.

„МТЕЛ“ СУПЕР ЛИГА-МАЖИ

РЕЗУЛАТИ И ДВОЈКИ 12 КОЛО

Ангели – Феникс 2010 60:99

Тиквеш Голден Игл – Гостивар 81:73