Проблемот со струја, греење и топла вода за студентите од домот „Никола Карев“ продолжи и во текот на ноќта, откако вчера претпладнето тие остана без струја.

За прекинот што трае веќе скоро 24 часa, доцна во ноќта се јавија и од самиот студентски дом и преку социјалните мрежи потврдија за проблемот, иако засега не дадоа објаснување зошто студентите останаа без основни услови за живот.

„Им се извинуваме на студентите кои се сместени во Д.С.Д.’Никола Карев’ за прекинот со електрична енергија. Од МОН не известија дека во текот на утрешниот ден, проблемот ќе биде решен“, објавија од домот.

Од Министерството за образование и наука засега нема податоци за прекинот на струја и епилогот.

Студентскиот гласник „Студентарија“ вчера информираше дека струја во домот нема од утрото од 10 часот, а според информациите од студентите, прекинот беше во целиот дом, додека во околината имаше редовно снабдување.

ВИДЕО | Студенти во Охрид се во мрак и студ, цел ден нема струја во домот „Никола Карев“

Студентите рекоа дека парното греење во домот не работи подолг период, па за да се стоплат, биле принудени самите да се снаоѓаат со електрични греалки донесени од дома. Но, бидејќи сега нема струја, и таа можност да се згреат им беше одземена.

Синоќа се очекуваше температурата во Охрид да се спушти до само неколку степени. Неофицијално, студентите разбрале дека струјата е исклучена поради неплатени сметки. Тие рекле дека немале никаква најава за прекинот, информираше „Студентарија“.

 

View this post on Instagram

 

A post shared by Студентарија (@studentarijamk)