Стефан Ристовски исклучен на дебито за Динамо Загреб

Фото: gnkdinamo.hr

Македонскиот репрезентивец Стефан Ристовски неславно дебитираше во дресот на Динамо Загреб, добивајќи црвен картон.
Ристовски се најде во првиот тим на „модрите“ во дерби пресметката со Осијек кој го доби неговиот тим, но македонскиот репрезентативец заработи исклучување во второто полувреме.

Прво во 72. минута доби жолт картон, а пет минути подоцна по стартот над Миерез доби втор жолт картон, што значеше исклучување.
Гостинските фудбалери во последните 15-тина минути не успеаја да ја искористат предноста од играчи на крајот Динамо славеше со 1:0 со голот кој го постигна Мислам Оршиќ во првото полувреме.
Вториот македонски репрезентативец, Аријан Адеми, кој е капитен на Динамо Загреб, го одигра целиот натпревар.

Видео на денот