Стартуваше „По патеките на востаниците” – Слободен печат
Македонија

Стартуваше „По патеките на востаниците”

Организатор на настанот и годинава е Општина Делчево, како дел од одбележувањето на 143-годишнината од Разловечкото востание.

Започна традиционалниот планинарски марш што се организира по повод 143 години од Разловечкото востание. Маршот е со релација село Тработивиште – Свети води – Разловци и е во должина од осум километри.

– На овој планинарски марш, кој е од историско значење, учествуваат планинари од Делчево, Берово, Пехчево, Велес и од Зрновци. Планинарската патека минува низ еден интересен предел и засега временските услови се идеални за учесниците. Маршот го започнавме од село Тработивиште, со тоа што пристигнувањето на планинарите на централната прослава во Разловци се очекува некаде околу 12 часот – информира водичот и претседател на ПСК „Голак”, Љупчо Чучуковски.

Додава дека по завршувањето на маршот за планинарите ќе биде организирана заедничка дружба со пригоден ручек.

Организатор на настанот и годинава е Општина Делчево, како дел од одбележувањето на 143-годишнината од Разловечкото востание по кој повод денеска во Разловци ќе бидат организирани низа настани.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close