Стартува продажбата на „посната кошничка“ во Грција
Од среда, 13 март до недела, 4 мај, стапува на сила „Посната кошничка“, како што е предвидено во министерската одлука потпишана од министерот за развој Костас Скрекас.
„Посната кошничка“ е продолжение на „Кошничката за домаќинство“ која е веќе на сила, бидејќи се додаваат три нови категории на храна, со што секое домаќинство ги има сите потребни производи за посна трпеза по пристапни цени. Тоа се: алва, посни салати и најмалку два вида на замрзнати морски плодови. Министерот за развој Костас Скрекас рече дека Владата: „сака секој дом да има пристап до квалитетни производи по најниски можни цени во овие свети денови. Ниту еден граѓанин нема да биде исклучен од тие скапоцени добра за да ја пополни семејната трпеза.
Владата ќе продолжи да ги презема сите неопходни иницијативи за да им помогне на сите потрошувачи во пракса“, објави То Вима. На листата има 36 избрани производи, вклучително и средства за хигиена, храна за миленици и млеко за бебиња.