Александар Пријовиќ, фудбалерот на Ал-Итихад од Саудиска Арабија каде заработува толку што е најбогат српски фудбалер и со својот гол ја однесе репрезентацијата на Мундијалот во Русија е уапсен пијан во бар во белградски хотел.

Заедно со него биле и познатиот турбо фолк пејач Радиша Трајковиќ со сопругата и тие исто така се уапсени.

Полицијата ги привела бидејќи не ги почитувале одлуките на Владата за задолжителен карантин по 17 часот.

Најсветлите моменти од кариерата, Пријовиќ ги имаше додека настапуваше за грчкиот тим ПАОК каде беше миленик и на навивачите и на контроверзниот сопственик, Иван Савидис.

Највпечатлив момент во кариерата во ПАОК на Пријовиќ му беше кога сопственикот на тимот предизвика скандал откако на теренот влета со пиштол во раката за да се „пресмета“ со судиите за време на големото дерби против Олимпијакос кое одлучуваше за титулата. Токму Пријовиќ беше првиот кој застана во одбрана на Савидис.

– Шефе, сите знаеме дека сте добра и љубезна личност, а исто така знаеме дека многу луѓе бараат помош од вас. Ние сме ваши војници на теренот, стоиме заедно на истата страна – му порача Пријовиќ на својот сопственик и по наредниот натпревар се фотографираше со маската на Савидис.