Се што се случува во животот може да досади, па дури и она што носи најголемо задоволство како што е сексот. Добриот сексуален живот е една од главните состојки за секоја успешна љубовна врска.

Меѓутоа, страста мора да се одржува бидејќи во спротивно ќе згасне и сексот ќе се претвори во монотона рутина. Во продолжение дознајте кои сексуални навики ги издвојуваат среќните и заљубени парови од останатите…

Тие веруваат во нивната сексуалност

Ова е една од најважните сексуални навики на среќните парови. Експертите тврдат дека луѓето најмногу се возбудуваат од помислата дека партнерот ги посакува. Жените понекогаш можат погрешно да ја разберат машката желба, бидејќи претпоставуваат дека тие секогаш се расположени за секс, но тоа може лесно да се реши преку искрен разговор.

Не ги потценуваат малите работи

Среќните парови знаат дека не мораат да прават големи „сцени“ за да ја одржат страста во врската. Доволни се редовните телефонски повици или пораки со убави зборови за да се сочува интимноста и сексуалната желба.

Се фокусираат на позитивните работи

Можеби не ви се допаѓаат некои од работите што ги прави вашиот партнер во кревет, но наместо да го кажете тоа директно, обидете се да му покажете што ви се допаѓа. Никако не заборавајте да му спомнете дека ги обожавате неговите бакнежи. Среќните парови повеќе обрнуваат внимание на позитивните искуства отколку на негативните, благодарение на што нивниот сексуален живот е здрав и секогаш возбудлив.

Секогаш наоѓаат време за секс

Доколку времето во кое сте воделе љубов по неколку пати на ден сега е само далечно сеќавање, би требало повторно да го сместите на врвот од вашата листа на приоритети. Иако многумина сметаат дека сексот е нешто што треба да дојде само од себе, по напорниот работен ден и насобраниот стрес, сепак потребно е малку повеќе труд и планирање за да се вратите на старите навики.