Спој на паганизмот и христијанството: Фестивал на змии во Италија (ФОТО)
Во малиот италијански град Кокуло, во црквата „Santa Maria delle Grazie“ се наоѓа дрвена статуа на Свети Доминик. На секој 1 мај скулптурата на светецот е во центар на настанот „Processione dei Serpari”, односно Фестивал на змиите, кој се одржува повеќе од 700 години.
Според преданијата еден бенедиктански монах во 10 век го расчистил полето околу Кокуло од змии, а притоа ги лекувал луѓето од смртоносните каснувања.
Се смета дека со тек на времето приказната се споила со паганските преданија за божицата на змиите Агниција и така фестивалот се развил во денешниот облик.
Фестивалот почнува со изнесување на скулптурата прекриена со змии од црквата.
Иако глетката може да биде вознемирувачка, на сите змии им се отстранети жлездите и тие се добро хранети, па малку е веројатно дека ќе бидат вознемирени во текот на процесијата.
Единствено лошо што може да се случи е змијата да падне од статуата, бидејќи според верувањата, тоа донесува лоша среќа.