Спасовски: Соработката со словенската полиција е на одлично ниво - Слободен печат

Спасовски: Соработката со словенската полиција е на одлично ниво

Соработката на полициите на Република Северна Македонија и Република Словенија е на извонредно високо ниво, а во наредниот период продолжуваме во ист правец, изјави министерот за внатрешни работи Оливер Спасовски по денешната средба со неговиот словенечки колега Боштјан Поклукар во Љубљана.

Како што соопшти МВР, Спасовски притоа им се заблагодарил на Словенија и на словенечкото Министерство за внатрешни работи за несебичната помош за нашата полиција во справувањето со мигрантската криза.

– Тоа беше еден од најголемите предизвици за нашата држава, со кој можевме да се справиме само преку взаемна соработка меѓу државите од регионот, поткрепена со силната поддршка на нашите пријатели, – истакна Спасовски.

Како што се наведува во соопштението од МВР, Спасовски упатил благодарност и до контингентите на словенечките полициски службеници, кои спроведуваа и продолжуваат да учествуваат во заедничките активности со македонските полициски службеници за зајакнат надзор и контрола на нашата јужна граница.

– Нивниот професионализам и искуство кои несебично ги споделуваат со нашите полициски службеници, заслужуваат голема почит и за нас се од непроценливо значење – потенцирал Спасовски.

Според него, денешната средба е доказ за нашата посветеност на соработката особено на полето на справување со нелегалната миграција, сузбивањето на организираниот криминал и најголемата закана на денешницата- тероризмот.

– И на оваа средба ги потврдивме нашите заложби за дополнителен инпут во меѓусебната соработка на двете полиции, која уште поцврсто ќе продолжи да се развива и во иднина – посочил министерот Спасовски.

Словенечкиот министер за внатрешни работи Боштјан Поклукар истакнал дека како партнери, ние целосно ја имаме нивната поддршка. Тој информирал дека со Спасовски разговарале и за миграциите и соработката на државите од Западен Балкан.

– На полицијата на РСМ ѝ благодарам за спречувањето на нелегалната миграција и ме радува што и словенечките полицајци имаат придонес за тоа. Соработката меѓу двете полиции е одлична и овие средби се одлична можност за директна размена на информации –  рекол тој, стои во соопштението од МВР.

Прочитај повеќе

За домашна посета и партонажа ставени во функција нови 13 возила

Слободен печат

Петровска останува на ставот дека ќе поднесе кривична пријава за Наќе Чулев

Слободен печат

Во Црна Гора најмногу инвестирале Азербејџанци, Руси и Унгарци

Слободен печат

Петровска: Времето кога полицијата тепаше студенти е минато

Слободен печат

Малезија нема да дозволи да се претвори во светска депонија

Слободен печат

Основачот на СЕФ: Иако во изминатите 50 години е постигнат голем напредок, во светот владее претеран песимизам

Слободен печат

Остави Коментар

1 × two =

Прочитај повеќе

Нови дојави за бомби затворија над 100 училишта и трговски центри во Москва

Слободен печат

Напаѓач отвори оган пред ноќен клуб во Канзас Сити: Двајца загинати, 15 повредени

Слободен печат

Либија драстично го намалува производството на нафта

Слободен печат

Ангелов: МВР нема да може да биде злоупотребено, но ќе биде користено за да се покаже дека нешто не функцонира

Слободен печат

Случајот „Рекет“ одложен поради отсуство на адвокатите на Катица Јанева

Горан Наумовски

Прва седица на Претседателството на новото косовско Собрание

Слободен печат