Ванеса Брајант, сопругата на трагично загинатата НБА ѕвезда, Коби Брајант, викендов на фановите им се обрати преку емотивна порака во која објасни за промените кои ги направи на нејзиниот Инстаграм профил.

Таа им се заблагодари на фановите на Коби на поддршката но истакна дека таа и нејзината најстара ќерка Наталија (17 години) мораат да ги блокираат фан страниците кои објавуваат фотографии на Џиана и Коби кои починаа во трагична хеликоптерска несреќа која се случи на 26. јануари.

„Наталија и јас моравме да ги блокираме фан страниците бидејќи навистина е тешко да „излезете“ на интернет и постојано да гледате фотографии на нашите сакани Џиџи и Коби под секој квадрат на нашите страници. Сите ве сакаме, но ве молиме да сфатите дека моравме да го направиме ова за да продолжиме со животот, а не да помислите дека не ве почитуваме“, напиша Ванеса Брајант.