Соопштение од рудникот Саса за истекувањето на јаловина: Се случи дефект, состојбата моментално е нормализирана
Дефект на насипот е причината за истекувањето на јаловина во Каменичка река, соопштија од рудникот Саса.
Препорачано
Еколошка катастрофа: Се излеа јаловина во Каменичка Река (ВИДЕО)
„Денеска, околу шест часот, се случил дефект на насипот на јаловиштето број 4 на рудникот Саса, предизвикувајќи краткотрајно истекување на јаловишни води во локалниот речен тек. Набргу по дефектот истекувањето е запрено и состојбата е нормализирана.
Професори од рударскиот факултет во Штип и градежниот факултет во Скопје, заедно со стручни екипи на компанијата, отпочнаа детална истрага за да ги утврдат причините за инцидентот.
Првичните резултати од истрагата покажаа дека дефектот не претставува закана за здравјето и безбедноста на вработените во рудникот и на жителите во неговата околина.
Дополнително, постапувајќи согласно одредбите од Законот за заштита на животната средина и правилата од А-интегрираната еколошка дозвола, за настанот се известени и сите надлежни институции на државно и локално ниво“, соопштија од рудникот.
