Највкусните колачи понекогаш е наједноставно да ги направите. Таква е и оваа рол баклава.

Состојки: 500 гр тенки кори, 100 грама мелени ореви, 100 грама мелени бисквити, 3 лажици гриз, 100 грама суво грозје, 1 лажица прав шеќер, 100 мл млака вода, 100 мл масло.

Шербет: 400 грама шеќер, 2 кесички ванилин шеќер, 1 лимон, сок од 1 портокал, 300 мл вода.

Подготовка: Сите суви состојки измешајте ги (ореви, бисквити, гриз, суво грозје, шеќер) па додадете масло и млака вода. Првата кора премачкајте ја со масло со четкичка по целата површина, додадете ја другата и неа премачкајте ја, додадете ја третата и неа премачкајте ја, па по ширина ставете на дното околу 3 лажици фил и изедначете го по должина. Завиткајте во ролничка. Редете во подмачкан плех. Така направете со сите кори. Исецкајте ја баклавата со остар нож на ролнички и премачкајте убаво со масло. Печете на 200 степени околу 30 минути.

Во сад на оган сипете шеќер, додадете вода, кругчиња лимон и сок од еден портокал. Варете за малку да се згусне, па прелијте преку испечената баклава.

Оставете да отстои, за баклавите да го упијат шербетот. Уживајте!