Со одлична музика и неверојатна забава затворен и овогодишниот Д-фест (ГАЛЕРИЈА)
Заврши еден од најголемите македонски фестивали Д-Фест. На него се сoбраа голем број на домашни и странски артисти кои со своите настапи на четирите поставени сцени, ја забавуваа публиката изминатиов викенд.
Покрај музиката, посетителите на фестивалот уживаа во изобилство на забавни активности и промоции од најразлични спонзори, кои траеа од рано наутро до доцна навечер. Се одржуваа часови по јога на отворено, креативни работилници и се играа најразлични спортови.
Првиот ден со своите настапи го одбележија Vojko V, Страјк, Кирил Џајковски и Offenbach, кои воедно претставуваа и почеток на фестивалот. Вториот ден и покрај силниот дожд во вечерните часови, од фестивалот информираа дека официјално бил срушен рекордот за најпосетена вечер од постоење на фестивалот. Главни изведувачи таа вечер беа Фолтин, Bad Copy, Mahmut Orhan и Noisia. Вчера со своите настапи фестивалот го затворија Napalm Death, Суперхикс, Hindi Zahra и Akua Naru.
[foogallery id=”52738″]