Во средните училишта ширум земјава денеска започна уписот на средношколците кои учебната година ќе ја започнат од септември, а засега не е познато дали новото поглавје во образованието ќе го продолжат со онлајн настава или во училишните клупи.

Уписот на средношколците ќе трае сè до 19 јуни, а од она што можевме да го видиме во неколку средни училишта во Скопје сите кандидати ги почитуваат мерките за претпазливост пропишани во протоколот кој го објави Владата.

Фотографии: Драган Митрески

Процесот на упис се одвива од 7.00 наутро до 19.00 часот попладне, а на влезот од сите средни училишта се поставени листи со распоред по азбучен ред и термин во кој ќе се врши предавањето на документите, со цел да се избегне создавањето на гужви.

Директорката на медицинското училиште СУ „Д-р. Панче Караѓозов“ во Скопје, Маја Салиу, вели дека првиот ден од уписите се одвива без никакви проблеми, со почитување на мерките и од страна на кандидатите кои доаѓаат и од членовите на комисијата каде тие ги поднесуваат документите.

Во продолжение погледнете го прилогот: