Попладнето во собранието експресно се закажа и се одржа собраниската комисија за европски прашања. Со „Европско знаменце“ власта со обид  да го промени кривичниот законик. Владата предлага намалување на казни за „Злоупотреба на службена положба и овластување“ и „злосторничко здружување“.

Со една од промените се предвидува дека сторителот ќе се казни со казна затвор од една од 4 години, што значи дека се воведува горна граница, од која се пресметува застареност. Во актуелното законско решение, нема горна граница, туку санкцијата е дефинирана на најмалку 3 години, што значи дека горната граница се поставува на 20 години.

Во врска со делот за злосторничко здружување, со предложените законски измени, се предвидува дека пропишана санкција до 10 години се намалува на до 3 години, додека санкцијата пропишана на до 5 години во ставот 2 се намалува на до 2 години.
Ова не е прв пат измените во кривичниот законик да поминат во Собранието. Ваков обид имаше пред да се галса за уставните измени за проемна на името, но по бурните реакции на дел од тогашните пратеници законот беше повлечен.