Вечерва во 19 часот, на јутјуб каналот на „Слободен печат“ во третата епизода на поткастот „Со Ана на ТИ“ гостува Сара Климоска, една од најангажираните и најталентирани актерки во македонскиот филм.

Со Сара разговаравме за професионалните предизвици, за љубовта кон филмот и за тоа што ја мотивира да го гради својот пат на големото платно и во театарот. Отворено зборувавме за состојбата и условите во македонската филмска индустрија, за предрасудите со кои се соочуваат жените глумици и за нереалните очекувања што понекогаш ги имаат филмските работници. Допревме и чувствителни теми како голотијата пред камера, довербата што треба да постои во тимот и каде е границата меѓу професионализмот и непотребниот притисок.