Во новата епизода на „Со Ана на ТИ“ гости се Борис и Илчо, момците зад поп-дуото „Дупер“, препознатливи по свежиот звук и различниот пристап кон музиката што ја донесоа на македонската сцена, започнувајќи со нивниот прв хит „Не сум твој тип“. Моментално се актуелни со последниот сингл „Може, може, може“ и прилично активни со настапи, каде ја свират својата авторска музика.

Разговаравме за нивното детство и средношколските почетоци и другарството кое им датира уште од тоа време, за пробивањето со првите песни и создавањето на автентичен музички израз. Споделија и што им пречи во општеството, со какви стереотипи се соочуваат, како ги доживуваат односите со колегите музичари и колку им се допаѓа ноќниот живот во Скопје.

Гледајте ја целата епизода вечерва во 19:00 часот на Јутјуб каналот на „Слободен печат“.