Слатко задоволство: Рецепт за празничен колач со суво овошје
Традиционалниот португалски празничен колач се нарекува „Боло Реи“ или „Кралски колач“. Тоа е колач направен од воздушесто тесто со суво овошје и јаткасти плодови. Се разбира има повеќе варијанти, но ова е многу едноставен рецепт кој лесно можете сами да го направите, чиј вкус ќе биде подеднакво привлечен како и неговиот изглед.
Можете да го користите секое суво овошје што го сакате, како и јаткасти плодови, а можете да користите и било кој сладок алкохол, како ликер или шери. За подготовката на состојките ќе ви бидат потребни само петнаесетина минути, но колачот ќе биде готов за околу два и пол часа.
Состојки:
– 400 г брашно
– 14 г сув квасец
– 100 г шеќер
– 75 г омекнат путер
– 2 јајца и 1 за премачкување
– прстофат сол
– 1 лимон, рендана кора
– 100 мл топло млеко
– 100 мл ликер или шери
– 80 г суво овошје
– 50 г сечкани јаткасти плодови (ореви, бадеми, лешници)
За декорација:
– 50 г суво исечкано овошје
– 30 г мелени јаткасти плодови (ореви, бадеми, лешници)
– шеќер во прав, по желба
– 1 лажичка џем
– 2 лажички топла вода
Подготовка:
Сечканото суво овошје ставете го во тенџере со алкохолор и оставете да зоврие. Измешајте го квасецот со топлото млеко и оставете го 5 до 10 минути да делува.
Во поголем сад измешајте ги брашното, шеќерот, кората од лимон, путерот, цели јајца и солта. Потоа прелијте го млекото со квасецот и измешајте.
Додадете ја смесата од алкохолот, овошјето и сечканите јаткасти плодови во тестото и мешајте додека сè добро не се соедини. Тестото обликувајте го во форма на топка, ставете го во сад, посипете го со брашно и покријте го со најлонска фолија и чиста крпа. Оставете да нарасне на собна температура додека не се удвои во големина, околу час и половина.
Обложете го плехот со хартија за печење и лесно набрашнете го. Ставете го тестото во плех, израмнете ја топката во форма на круг, со рацете направете дупка во средината и ставете чаша во неа за да не се залепи тестото. Оставете да нарасне уште половина час до еден час.
Загрејте ја рерната на 180 степени. Премачкајте со изматено јајце и декорирајте со преостанатите јаткасти плодови, парчиња суво овошје и шеќер во прав.
Печете 35 до 45 минути. По желба пред послужување премачкајте ја тортата со мешавина од џем и вода и посипете со уште шеќер во прав.
