Триесет дена притвор му одреди судија на претходна постапка Основниот суд во Гостивар на 29-годишен жител на Скопје кој од обвинителството е обвинет за сторено кривично дело неовластено производство и пуштање во промет наркотични дроги, психотропни супстанции и прекурсори.

Обвинителството тврди дека пред два дена сега обвинетиот од непознато лице во Република Албанија купил 1.300 милилитри хашиш смола и 500 милилитри хашиш масло.

„Дрогата му била донесена во Струга, каде ја ставил во багажникот од својот автомобил, со намера да ја пренесе и да ја продава во Скопје. Во близина на наплатната рампа кај Гостивар, полициски службеници извршиле проверка на возилото и ја пронашле дрогата спакувана во пластични шишиња“ тврдат од ОЈО.