Скопјанец лажно се претставувал како полициски службеник

Фото: Министерство за внатрешни работи

МВР информира дека Единицата за економски и компјутерски криминал при СВР Скопје поднела кривична пријава против Т.К.(33) од Скопје, поради постоење основи на сомнение за сторено кривично дело „лажно претставување” по член 391 од Кривичниот законик.

На 25 мај 2022, пријавениот бил запрен од полициски службеници додека управувал патничко возило, а поради сторен сообраќаен прекршок. Притоа, тој лажно се претставил како полициски службеник и се легитимирал со лажна службена легитимација на МВР која сам ја изработил, соопштуваат од полицијата.

Видео на денот