Несогласувањата меѓу авиокомпанијата „Визер“ и српските власти може да доведат до затворање на базата во Белград и поскапи авионски билети, објави „Данас“.

Во март годинава беше изменет Правилникот за издавање одобрение на странски авиопревозник за вршење меѓународен јавен авионски превоз со Србија.

Тие измени влијаеја врз „Визер“, што доведе до тензии меѓу двете страни, но и го отвори прашањето за иднината на нискобуџетниот авио сообраќај во Србија и дали државата со новите прописи ја ограничува конкуренцијата на домашниот пазар.

Во центарот на проблемот е можноста странски превозници да базираат авиони и екипажи во Србија.

Тоа директно ја засега „Визер“, бидејќи компанијата со години одржува база во Белград од која организира евтини летови кон бројни европски дестинации.

Компанијата предупредува дека новите правила би можеле да го оневозможат ваквиот начин на работа и да ја принудат да ја затвори базата во Белград.

„Визер“ воведува уште една авиолинија до Германија

Од друга страна, Директоратот за цивилно воздухопловство соопшти дека ниту еден авиопревозник не е лишен од правото да изведува летови меѓу Србија и земјите членки на Европската Унија, ниту од правото да отвора нови линии согласно важечките меѓународни договори.

Од „Визер“ наведуваат дека новата регулатива во суштина значи дека, доколку сте авиопревозник од ЕУ и летате меѓу ЕУ и Србија, ротацијата мора да започне во ЕУ.

„Тоа би значело дека би ни било забрането да имаме база овде во Белград“, предупредуваат.

Како што објаснуваат, нивната цел е да останат базирани во Белград, но доколку би работеле исклучиво дојдовни летови, голем број вработени во Србија би ги изгубиле работните места.

Кои би можеле да бидат последиците?

Директорот на Националната асоцијација на туристички агенции, Александар Сениќиќ, за „Данас“ изјави дека евентуалното затворање на базата на „Визер“ во Србија значително би го нарушило пазарот на евтини летови.

Сениќиќ смета дека измените се воведени со цел да се зачува предноста на домашниот превозник „Ер Србија“.

Според него, не е невообичаено државите да преземаат вакви мерки.

Тој додава дека евентуалното затворање би довело до намалување на директните линии и до повисоки цени на билетите, бидејќи авионите би морале да доаѓаат од соседни аеродроми.

„Визер“ од 2010 година досега превезол околу 14 милиони патници од Србија.

Сениќиќ додава дека можно е и намалување на бројот на летови поради економска исплатливост и логистички предизвици.

Нискобуџетните летови од Германија поскапуваат – најевтини кај „Визер“, најскапи кај „Еуровингс“