Претседателката Гордана Сиљановска Давкова, денеска го оствари своето право на глас во рамките на Локалните избори и ги охрабри граѓаните да го направат истото.

-Ја извршив мојата граѓанска обврска, верувам дека тоа ќе го сторат и другите граѓани – изјави Сиљановска Давкова.

Таа изрази надеж дека долгогодишната традиција на пристојни, фер и демократски избори ќе продолжи и овој пат.

-Посакувам она што денеска го видов – една досадна граѓанска изборна слика – да се повтори и во вториот круг – порача претседателката, алудирајќи на мирната и регуларна атмосфера на изборниот ден.