Земјотрес со јачина од 4,5 степени според Рихтеровата скала е регистриран вечерва во 23:07 часот, во Јадранското Море, објави Вечерњи.хр.

Според достапните податоци, епицентарот на земјотресот се наоѓал во област со географски координати на географска ширина 42.658 и географска должина 17.6637, односно на 30 километри од Неум и 77 километри јужно од Мостар.

Земјотресто силно се почувствувал во поширокото подрачје на Дубровничко-неретванската жупанија и во соседна Херцеговина.

Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 10 километри под површината на земјата.

Сведоците наведуваат дека ударот бил силен, но краток.

Засега нема извештаи за материјална штета или повредени, а надлежните служби ја следат ситуацијата.