Кинескиот претседател Си Џинпинг денеска побара отворање на Ормускиот Теснец за сообраќај, во телефонски разговор со саудискиот престолонаследник Мохамед бин Салман, пренесува Ројтерс.

Си рече дека Пекинг поддржува итен и сеопфатен прекин на огнот и напори за враќање на мирот на Блискиот Исток.

„Ормускиот Теснец треба да остане отворен за нормална пловидба, што им служи на заедничките интереси на земјите во регионот и на пошироката меѓународна заедница“, рече Си за време на телефонскиот разговор со саудискиот престолонаследник Мохамед бин Салман.

Си го повтори повикот на Пекинг за прекин на огнот за да се стави крај на непријателствата и повика на „сите напори што водат кон враќање на мирот“.

Принцот Мохамед изјави дека Саудиска Арабија е посветена на решавање на конфликтот преку дијалог и изрази надеж дека ќе се избегне ескалација на конфликтот.

Американскиот претседател Доналд Трамп ѝ се закани на Кина, еден од главните трговски партнери на Соединетите Американски Држави, со царини од 50 проценти на нејзините стоки доколку Пекинг му пружи воена помош на Иран во војната на Блискиот Исток.

Си Џинпинг во Камбоџа: Кина го трпи најголемиот дел од американските царини, повикува на отпор кон протекционизмот

Иран повторно го блокира Ормускиот Теснец