Шведската здравствена агенција до Владата: Одложете го олеснувањето на ограничувањата за еден месец
Шведската здравствена агенција се обрати со барање до Владата за одложување на планираното олеснување на некои ограничувања насочени кон забавување на ширењето на ковид-19 за речиси еден месец, бидејќи земјата се соочува со трет бран на вирусот.
Шведската агенција претходно предложи некои ограничувања да бидат укинати од 11 април, како ограничување на бројот на посетители на забавни паркови, концерти и фудбалски натпревари на само осум лица.
– Ширењето на ковид-19 се забрзува, што резултира со зголемен товар на здравствената заштита, нагласува здравствената агенција во соопштение.
– Шведската агенција за јавно здравје предлага датумот кога може да се отворат одредени активности да се одложи за 3 мај, под услов состојбата со инфекцијата да се подобри, се додава во соопштението.