Учествувала во реално шоу, а потоа шведскиот принц Карл Филип се вљубил во неа и започнале врска. Се венчале и Софија Кристина Хелквист станала дел од кралското семејство.

Учеството во реалното шоу било доволно за осуда од страна на јавноста, тешки навреди и нетолерантно однесување на медиумите кон младата Софија Кристина Хелквист. Таа е денес позната како принцезата Софија и војвотка од Вармланд, мајка на двајца синови, принцовите Александар и Габриел.

Денес јавноста ја цени, ја почитува и ги одобрува нејзините постапки.

Принцезата Софија заедно со принцот Карл Филип во вторникот вечерта гостуваа на отворањето на здружение во Стокхолм, чија главна цел е да се намали онлајн-злоставувањето и ширењето на омраза на друштвените мрежи. Во таа прилика 34-годишната принцеза се присети на „старите рани“, кои и денес ги носи во себе, а кои се последица на однесувањето на јавноста при нејзиното влегување во кралското семејство.

„Тоа беше огромна омраза кон мене како личност, луѓето беа против нашата врска. Тоа се лузни и траума за цел живот. Тешко е да се носите со тоа кога сте сами, но јас имав среќа покрај себе да имам љубов и поддршка од семејството, од сопруггот и од луѓето кои ме сакаат“, објасни шведската принцеза.