Што да гледате на „Netflix“ и „HBO“ овој викенд?
Како и секој петок се обидуваме да ви го олесниме одговорот на прашањето „Што да гледате на „Netflix“ и „HBO“ овој викенд?“.
Викендите се секогаш резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои со сигурност нема да ве остават рамнодушни.
The Invisible Man – Филм на „Netflix“
Поранешниот партнер насилник на Сесилија ја лажира својата смрт. Тој станува „невидлив“ и почнува да ја демне и мачи. Таа почнува да доживува чудни настани и решава сама да ја разоткрие вистината.
Жанр: хорор/трилер / IMDB оценка: 7.1 / Rotten tomatoes рејтинг: 92%
The Time Traveler’s Wife – Серија на „HBO“
Хенри е обичен човек со извонредна дарба, ген кој му овозможува да патува низ времето. Клер, неговата сопруга, тешко се справува со неговата „чудна“ способност.
Жанр: романтична драма / IMDB оценка: 7.2 / Rotten tomatoes рејтинг: 36%
Welcome to Eden – Серија на „Netflix“
Група млади луѓе се поканети на ексклузивна забава на таен остров, спонзорирана од нов пијалок. Но, кога пристигаат, сфаќаат дека примамливиот рај крие опасни тајни и замки.
Жанр: трилер / IMDB оценка: 5.3 / Rotten tomatoes рејтинг: /
Share – Филм на „HBO“
По ноќта на која едвај се сеќава, 16-годишната Менди открива вознемирувачко видео. Таа мора да се обиде да открие што навистина се случило таа ноќ…
Жанр: драма/трилер / IMDB оценка: 5.6 / Rotten tomatoes рејтинг: 86%
