Што да гледате на „Netflix“ и „HBO“ овој викенд?
Како и секој петок се обидуваме да ви го олесниме одговорот на прашањето „Што да гледате на „Netflix“ и „HBO“ овој викенд?“.
Викендите се секогаш резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои со сигурност нема да ве остават рамнодушни.
Superstore – Серија на „Netflix“
Група вработени кои работат во „Cloud 9“, голема продавница во Сент Луис, Мисури, се соочуваат со низа предизвици додека се справуваат со клиентите и во исто време се грижат за нивните лични барања. Преглед на животите на вработените кои ќе ве насмеат до солзи и ситуации во кои со сигурност ќе се препознаете како купувачи.
Жанр: комедија / IMDB оценка: 7.9 / Rotten tomatoes рејтинг: 93%
King Richard – Филм на „HBO“
Со јасна визија и план од 78 страници, Ричард Вилијамс е решен своите две ќерки, Винус и Серена да ги запише во историјата. Преку интензивните тренинзи на тениските терени, се гледа непопустливата посветеност и силната интуиција на таткото Ричард. Семејството Вилијамс им пркоси на навидум непремостливите шанси и очекувања што се поставени пред нив. Ова е приказната на врвните тенисерки Винус и Серена, пред целиот свет да дознае за нив.
Жанр: драма/спорт / IMDB оценка: 7.5 / Rotten tomatoes рејтинг: 90%
The Lighthouse – Филм на „Netflix“
На еден оддалечен и мистериозен остров во Англија во 1890-тите, Ефрем Винслоу пристигнува за да биде чувар на светилникот и да му помага на својот постар надзорник, Томас Вејк. Како што минуваат деновите, Винслоу се обидува да го зачува здравиот разум откако одеднаш почнуваат да го прогонуваат чудни и мистериозни случувања…
Жанр: драма / IMDB оценка: 7.4 / Rotten tomatoes рејтинг: 90%
Somebody Somewhere – Серија на „HBO“
Сем се чувствува како аутсајдер во нејзиниот роден град Канзас и очајно се обидува да се вклопи. Борејќи се со сето она што ѝ се случува таа се открива себеси и наоѓа заедница каде што луѓе слични на неа кои не се вклопуваат во навидум , но не се откажуваат.
Жанр: комедија/драма / IMDB оценка: 7.9 / Rotten tomatoes рејтинг: 100%
