Властите на Шри Ланка ангажираа двајца џелати во пресрет на бесењата со кои ќе се стави крај на 43-годишниот мораториум на смртната казна во оваа островска држава.

Министерството за правда соопшти дека двајцата кандидати се избрани од група од 36 лица кои ја минале обуката за џелати. За оваа работа во февруари се пријавиле 100-на луѓе.

Претседателот на Шри Ланка, Маитрипала Сирисена минатата седмица потпиша налог за погубување четворица осуденици за злосторства поврзани со дрога. Пресудата е бесење.

Во Шри Ланка, смртна казна последен пат е извршена 1976 година, а погубување чекаат 1.299 затвореници, од кои 48-мина се осудени поради дрога.