За прв пат поп-ѕвездата Шон Мендез реши да зборува за гласините дека е хомосексуалец и дека неговата врска со Камила Кабељо е само за во јавноста. Во интервју за британски Гардијан, тој повтори дека е – хетеросексуалец.

– Луѓето очајно сакаа да признаам дека сум „геј“, до степен до кој беше смешно.Ме нервираше затоа што познавам многу луѓе кои се хомосексуалци, на кои не им е дозволено тоа да го кажуваат јавно и знам колку страдаат поради тоа – рече Шон и додаде:

– Сосема е неуко и бесчувствително кога луѓето прават такви работи.

Новинарот се осврна и на фактот дека многумина сметаат дека неговиот однос со пејачката е лажен, создаден од ПР магионичари, со цел да и помогне на неговата и нејзината кариера. Сепак, најмногу го нервира кога некој не ја сака неговата музика.

– Тоа е проблемот. Кога ќе се обидете да создадете нешто што ќе им се допадне на сите, а знаете дека е невозможно. Тогаш доживувате нервен слом – рече Шон. И покрај тоа што не му се допаѓа кога некој не ја сака неговата музика, тој вели дека комерцијалниот успех не му е важен: затоа не му пречи што неговите последни два сингла не биле успешни на топ листите.