Денеска во својот последен тест на подготовките во Анталија, Турција, фудбалерите на Шкендија одиграа нерешено 1:1 во пријателскиот натпревар против Ордабаси од Казахстан.

Ордабаси водеше по првото полувреме со 1:0, стекна водство веќе во петтата минута со голот на Сергеј Малиј.

Казахстанците ја држеа предноста до 87 минута кога актуелниот македонски шампион го избегна поразот.

Стрелец на голот за тетовските „црвено-црни“ беше албанскиот интернационалец Александер Трумчи.

Сега играчите на Јетон Беќири ќе бидат фокусирани кон мечевите од домашниот шампионат и стартот на пролетниот дел од сезоната. На 7 февруари Шкендија ќе ја пречека екипата на Струга во дербито на колото.