Шестгодишно дете ја спасува мајка си викајќи помош преку „Алекса“
Мајка од Шкотска на која и било трансплантирана срце раскажа како нејзината шестгодишна ќерка двапати и го спасила животот користејќи паметен звучник. Ема Андерсон, од Робројстон во Глазгов, имала 15 години кога и била дијагностицирана хипертрофична кардиомиопатија, пишува „Би-Би-Си“.
Од млада возраст, нејзината ќерка Дарси знаела дека нејзината мајка има „болно срце“ и можела да повика помош преку „Алекса“.
Сега Дарси двапати го користела звучникот „Алекса“ за да алармира кога нејзината 27-годишна мајка не се чувствувала добро.
„Ја поставив Алекса така што ако се онесвестам или се чувствувам лошо, сè што требаше да направи е да каже: „Алекса, повикај помош“, а тоа ќе ја повика мајка ми која живее близу до нас“, рече Андерсон.
„И таа мораше да се јави на Алекса неколку пати, дури и сама повика брза помош кога навистина ми беше лошо. Толку сум горда на неа, таа е мала суперѕвезда“.