Не одигравме два меча во Талин (Естонија), но затоа пак ќе мора да одиграме дури четири во рускиот Перм. ФИБА направи промени во календарот на натпреварите во „Б“ групата од квалификациите за Евробаскетот 2022.

Далеку од поволен за македонската сениорска репрезентација во обидот да се стигне до пласман на завршниот турнир од ЕП.

Селекторот Александар Тодоров вели дека тоа што турнирот ќе се игра во Русија и не е некое големо изненадување. Многу повеќе е загрижен за решението на ФИБА, во Перм да одиграме четири натпревари во перидот од 18-22 февруари 2021 година.

– Одлуката да се игра во Русија за мене не е изненадувачка, бидејќи, горе-долу, тоа го очекувавме. Повеќе сум изненаден од решението да се играат четири натпревари. Со само еден ден пауза помеѓу вториот и третиот, кое за нас може да преставува голем проблем.

А згора на сè и последниот натпревар во тие пет дена да биде токму оној со Естонија. Но, истиот распоред го доби и Унгарија, која исто така не успеа да одигра ниту еден натпревар во последниот „прозорец“. За нас останува да се подготвиме како да го преживееме овој убиствен ритам – констатира Тодоров.

Пеколен ритам за кошаркарите, за шест дена ќе играат четири натпревари во квалификациите за ЕП 2022