Денеска фудбалскиот клуб Пелистер имаше завршна прес-конференција за натпреварувачката сезона 2025/26.

На истата на средбата со медиумите се обратија Александар Стефановски, Марјан Секуловски и Мирко Ивановски.

Откако не успеа да обезбеди опстанок во Првата македонска лига, битолскиот клуб ја информираше јавноста дека претседателот на клубот, заедно со целокупната управувачка структура, техничкиот директор и целиот стручен штаб, ќе поднесат оставки до градоначалникот на Општина Битола, преземајќи морална одговорност за остварениот резултат.

На прес-конференцијата се огласи тренерот на Пелистер, Марјан Секуловски кои им се заблагодари на навивачите за поддршката, но и упати извинување бидејќи не беше остварена целта да се остане во елитата.

– Имавме пет победи, трипати одигравме реми и запишавме само еден пораз на девет натпревари. И со тие 18 бодови со мене на клупата ќе бевме второпласирани на табелата. Мислам дека постојат механизми поради кои може ФК Пелистер да остане во Првата лига. Имаше случај во една соседна земја, која настапува на Мундијалот, каде што беше запрена одлуката за намалување на лигата. И од тој аспект, верувам дека може Пелистер да игра и следната сезона во елитата – рече Секуловски.