Се зајакнува тимот на Инфективна и „8 Септември“ со 54 медицински сестри и двајца интернисти
Целиот здравствен систем е активиран и мобилизиран со цел успешно справување со ковид-19, соопшти министерот за здравство Венко Филипче преку својот профил на Фејсбук.
-Инфективната клиника по систем на ротација се зајакнува со 27 медицински сестри од здравствените установи низ земјава. Додека пак, во 8 Септември како поддршка се испраќаат 27 медицински сестри и двајца интернисти. Нашиот тим функционира како едно и го дава својот максимум за третман на сите пациенти дијагностицирани со ковид-19, порача Филипче.
Поради недостигот од медицински кадар се реализира барањето од Министерството за здравство за привремена прераспределба на нови работни места, а на здравствените работници од Кочани кои од денеска во следните две недели ќе бидат ангажирани во Скопје, ќе им се придружат и нивни колеги од болниците во Велес, Кавадарци и Кичево.