Рускиот транспортен авион Антонов Ан-26, во кој имало шест членови на екипажот, се урна денеска во близина на градот Хабаровск во источна Русија, пренесува руската агенција Интерфакс, повикувајќи се на неименуван извор.

Според агенцијата ТАСС, авионот припаѓа на компанија која врши технички проверки на руските аеродроми.

Министерството за вонредни ситуации објави дека групите задолжени за потрага и спасување се упатиле кон местото каде што авионот исчезнал од радарот, пренесува Ројтерс.

Според министерството, авионот извршувал технички лет, а поради лошите временски услови, потрагата по авионот била отежната.

Претходно денеска руските власти потврдија дека транспортниот авион Антонов Ан-26 исчезнал од радарот во провинцијата Хабаровск.