Се спасил влегувајќи во друг автобус, таму по грешка ги ставил куферите

екрем долек
Таткото на Џафер Долек раскажа како неговиот син избегнал да биде дел од големата несреќа / фото: ТВ Сител/принтскрин

Џафер Долек бил еден од патниците кои требало да се возат во автобусот кој изгоре во страотната несреќа во Бугарија. Тој бил дел од групата која се враќала од Турција со агенцијата „Беса-транс“ и требало да се вози со автобусот кој изгоре на автопатот „Струма“, но по грешка ги ставил куферите во погрешен автобус и тоа му го спасило животот.

Долек требало да влезе и да ги стави куферите во автобусот кој изгоре на автопатот Струма во Бугарија, но откако тој веќе ги ставил куферите во другиот автобус, лице од агенцијата му кажало да влезе во истиот, бидејќи во него имало место.

Ова за телевизија Сител го раскажа таткото на Џафер, кој вели дека само господ го чувал неговиот син. Тој за несреќата разбрал откако се слушнал со синот, кој го известил дека безбедно стигнал во Скопје и му кажал дека во несреќата учествувал друг автобус.

Според новите информации, на автопатот „Струма“ во Бугарија во пожарот на автобусот на „Беса-транс“ животот го загубиле 44 лица, а 8 биле спасени.

Видео на денот