Се продава станот во кој живееле Џони Деп и Амбер Херд
Поранешниот стан на Џони Деп и Амбер Херд во центарот на Лос Анџелес, САД моментално се продава за 1.765.000 долари.
Пентхаусот во артдеко стил се наоѓа во една од најистакнатите историски знаменитости во Лос Анџелес, зградата „Eastern Columbia“.
Дуплексот се простира на 165 квадратни метри станбена површина. Има една спална соба, две бањи и отворен простор за дневна и трпезарија. Просторот е уреден во неутрални бои и минималистички стил.
Во рамките на зградата, станарите можат да корист и базен кој се наоѓа на покривот, спа центар, зен градина и фитнес студио.
Инаку, Џони Деп претходно поседувал пет пентхауси на врвот на зградата „Eastern Columbia“. Сепак, по разводот со Амбер во 2016 година, актерот ги продаде за вкупно 12,78 милиони долари.