ЕСМ Дистрибуција на топлина започна со отстранување  на оштетените цевки од топловодот што беше опожарен за време на пожарот на мостот “Беласица”. Оттаму  велат дека ќе вложат максимални напори демонтажата да се заврши во најкраток можен рок.

Почетокот на активностите за санација на опожарениот топловод е поврзан со завршување на сите дејствија на мостот од страна на вклучените релевантни институции и компании. И покрај опожарувањето на мостот Беласица, во следната грејна сезона која почнува во октомври 2023 ќе има сигурна и непрекината испорака на топлинска енергија до сите потрошувачи приклучени на дистрибутивната мрежа – информираат од ЕСМ.