Во трагичната автобуска несреќа кај Венеција загина младата Хрватка, а нејзиниот сопруг беше тешко повреден. Според информациите кои локалните медиуми ги пренесоа, загинатата девојка која била бремена е 24-годишната сплиќанка Антонела Баковиќ.

Откако беше објавена оваа трагична вест за младата сплиќанка, која пред само еден месец се омажи и замина на меден месец со својот сопруг, преку фејсбук-објава се огласи бендот кој свирел на нивната свадба.

„Ова е најтажната објава во мојата музичка кариера… Пред нешто помалку од еден месец заедно го прославивме вашиот нов почеток, пеевме и свиревме додека го имавме последниот атом сила, а сега срцето ми пука од тага и болка, бидејќи сè заврши во еден момент… Драга, почивај во Божјиот мир… До семејството, искрено сочувство од мое лично име и од името на сите членови на бендот“, напиша Миро Боем.

Да потсетиме, несреќата се случи во градот Местре, на 9 километри од центарот на Венеција, кога автобус со туристи удрил во заштитна ограда на надвозник, а потоа се превртел и паднал во провалија во висина од нешто повеќе од 10 метри.

Во страшната автобуската несреќа загинаа деветмина Украинци, четворица Романци, тројца Германци, двајца Португалци, една Јужноафриканка, една Хрватка и возачот од Италија. Фудбалерот Марко Баковиќ, сопруг на загинатата сплиќанка е тешко повреден при падот на автобусот.

Познат е идентитетот на сите жртви во автобуската несреќата кај Венеција

Кобно заврши медениот месец за младиот брачен пар од Сплит: Во несреќата кај Венеција загина 24 годишна трудница