Се одржа традиционалното собирање на бадникови гранчиња на Водно
Градоначалникот Шилегов денеска присуствуваше на традиционалното собирање на бадникови гранчиња, кое се одржа во месноста Говрлевска Краста, на јужните падини на Водно. Оваа манифестација традиционално се одржува по 28-ми пат и истата е во организација на граѓанското здружение Одбор за традиционална прослава на Бадник во Скопје.
На овој собир, Шилегов ја искористи можноста да им се заблагодари на членовите на одборот за прослава на Бадник за негувањето на оваа убава традиција којашто со години наназад ги обединува и ги зближува граѓаните на Скопје. Тој им посака успешна организација, а на граѓаните им посака среќни новогодишни и божиќни празници.
На манифестацијата присуствуваа и кумот бадникар за 2020 година, Антони Пешев и здравичарот, Климе Коробар.