Полицијата и семејството на велешанецот Стојанче Клифов (48) интензивно трагаат по него, откако пред речиси 24 часа, околу полноќ во сабота кон недела, му се изгубила секоја трага.

Сестрата на Стојанче вели дека нејзиниот брат живее со нивните родители и никогаш досега не се случило да замине без да каже каде оди. Овој пат, тој излегол од домот ненадејно, вели таа.

Според информациите, Стојанче излегол околу полноќ, а последен пат бил виден како се вози со такси кое го оставило кај маркетот „Жито“. Со себе го имал телефонот, но токму во таа зона, по излегувањето од таксито, сигналот се изгубил.

Сестрата додава дека станува збор за крупен човек, висок околу 1,83 метри. Блиските се вознемирени и велат дека секоја информација може да биде клучна во потрагата. Тие ги повикаа сите кои имаат некаква информација за Стојанче, да се јават на бројот 076-226-323.