На Академската сцена на ФДУ, на 23 февруари (понеделник), во 19 часот, ќе се одржи сценско читање на „Монолози од Газа“, во изведба на активисти од Иницијативата „Сите за Палестина“ и актери од независната театарска група „Штрих“.

– „Монолози од Газа“ е збир на сведоштва од страдањето на луѓето во Газа врз кои активно се врши геноцид, грижливо собрани од палестинскиот театар „Аштар“, кој дарежливо го сподели материјалот со нас и инцијативата ги преведе на македонски јазик.

Ја покануваме јавноста да дојде, да ги слушне нивните приказни и заедно да покажеме дека солидарноста нема граници. Настанот е од добротворен карактер: влезот е слободен, а во кутија за донации ќе може да се остави придонес за хуманитарни цели – истакнуваат од Иницијатива „Сите за Палестина“.